Tơ̆ jơ pơma đam, ƀar pah sơkơ̆t hơdah tơdrong tơlĕch jang kơ 2 teh đak lơ̆m tơdrong hơtŏk jang tơbôl kơ 2 pah tŏk minh jăl 'nao. Kiơ̆ kơ noh, 2 pah athei pơtoi akŏm hơtŏk jang hadoi lơ̆m tơdrong jang mă 2 pah jang pran nhen jang mŭk drăm – tĕch pơdro – asong jang; pơm trong hiôk ăn anih jang mŭk drăm kơ 2 teh đak hơtŏk pơma đam, jang hadoi vă hơtŏk tơmam tĕch răt kơ 2 pah tơgăl hăm mŭk drăm hlôi đei kơ 2 teh đak; hơtŏk jang atŭm păng tơgŭm dih băl lơ̆m tơdrong jang apŭng plenh teh, tơdrong hop akŏm lơ teh đak păng lơ̆m tơring.

Adoi lơ̆m 'măng năm tơmang âu, Kơdră teh đak Peru hlôi pôk Mê đai hơnăn  “Măt 'năr Peru” jăl Đại thập tự ăn Kơdră teh đak bơ̆n Lương Cường.