Ƀok Kơdră teh đak bơ̆n Võ Văn Thưởng năm akŏm Lêh et hơtŏk Anih pơih rapor. Ăh jơ lêh, Phŏ Kơdră dơnơm kơ Rađiô nơ̆r pơma Việt Nam Vũ Hải Quang ăn tơbăt, Anih pơih rapor Nam Trung ƀô̆ jing anih kăp gĭt kơ dôm anih jang pơih rapor dơnơm kơ teh đak, tơgŭm ăn Rađiô nơ̆r pơma Việt Nam keh đang tơnăp hloh xơnong jang chĭnh trĭ mă Đảng păng teh đak pơjao. Pơma ăh Lêh et hơtŏk, tang măt đe kơdră kơpal kơ Đảng, teh đak, ƀok kơdră teh đak bơ̆n Võ Văn Thưởng thơ thâu hăm tôm kơdră kơpal, kăn ƀô̆, bơngai jang tơ̆ Rađiô nơ̆r pơma Việt Nam et hơtŏk Anih pơih rapor Nam Trung ƀô̆ trŏ ăh 'măng tơbăt 98 xơnăm Năr ƀăo chĭ kăch mang, ră hơdăh, tơdrong mă âu jing kăp gĭt hloh, hơnhăk Nơ̆r pơma Việt Nam tơpăr jâ̆p jang tơring achon teh găh Hlĕch Pơbăh teh đak, rim tơring ataih yaih kơ dôm dêh char Nam Trung ƀô̆, tơgop hơ 'nhăk nơ̆r pơma đơ̆ng Đảng, teh đak truh hăm kon pơlei, pơtruh kơtơ̆ng ang kăp gĭt găh mŭk drăm, tơpôl, mă kăl noh găh 'mi kial đak hơbông truh hăm kon pơlei jang rôp ka hơdang, dôm kơtơ̆ng ang găh jang tơbôl đơ̆ng Việt Nam hăm rim teh đak.