Pơma ah jơ lêh, tang măt ăn Jơnŭm pơgơ̆r Đảng, Teh đak, Kơdră teh đak bơ̆n Tô Lâm pơtruh hăm rim chăl bơngai jang ƀăo lơ̆m păng ‘nguaih kơ teh đak hăm dôm nơ̆r ‘lơ̆ng hơ-iă kăp gĭt, pơtruh nơ̆r thơ thâu ‘lơ̆ng rŏ păng sô̆ hơ-iă hăm 122 bơngai chih, khul bơngai chih đei pôk Hơpah ‘măng Pơlong Ƀăo chĭ teh đak ‘măng mă 18 – tơmam hơpah kăp gĭt đơ̆ng Jơnŭm jang ƀăo asong ăn dôm tak phâm ƀăo chĭ, pôk pơ-ư bơngai chih, khul bơngai chih đei tak phâm hơgei ‘lơ̆ng hloh sơnăm 2023.

Kơdră teh đak bơ̆n pơkăl, athei pơjing khul jang ƀăo tơpă jing dôm bơngai jang tơnăp gah đon tơchĕng, đei "đon tơchĕng rơhau, đon ‘lơ̆ng, chih tơnăp", "’lơ̆ng păng hơgei kloh klĕch". Kơdră teh đak adoi pơkăl ƀăo chĭ hơtŏk pran tơplih kơsô̆ păng tơplih jang ‘nao gơh hơgei; tơroi tơbăt gah ƀăo chĭ kăch mang athei tơpă jing tơdrong kơtơ̆ng ang dơnơm lơ̆m tơdrong jang kơsô̆. Vang năm akŏm Tơdrong pơlong ƀăo chĭ jơ̆p teh đak ‘măng mă âu, Jơnŭm jang kơ Rađiô nơ̆r pơma Việt Nam đei iŏk 2 tơdrong hơpah A păng 1 hơpah  C.