Pơma ah jơ pơm jang, Kơdră teh đak bơ̆n Tô Lâm hmach bơnê kơ dôm tơdrong jang đei jơnei mă lơ hnưr kan ƀô̆, khul linh kơ Anih Linh gre păr hlôi jang đei lơ̆m dôm jĭt sơnăm kơ âu. Kơdră teh đak ră hơdah, Anih Linh gre păr jing anih linh kih thuơ̆t kơ khul linh tơguăt hăm tơdrong hơtŏk mŭk drăm – tơpôl kơ teh đak.

Kơyuơ noh, Anih linh gre păr athei pơgơ̆r păng jang hadoi hăm dôm khul grŭp nai vă tơnăp gah khua hŏk, kih thuơ̆t, kơmăi kơmŏk hơtŏk pran hloh vă pơm jang tơnăp sơnong jang kăp gĭt kơ teh đak. Kơdră teh đak lui ngeh hăm tơdrong nuih mơng juăt jue kơ Khul linh kon pơlei Việt Nam nuih mơng, Anih Linh gre păr gô keh đang tơnăp rim sơnong jang lơ̆m jăl ‘nao dang ei, pơm jang đei jơnei tih tên hloh dơ̆ng, ling lang tơgăl hăm tơdrong lui ngeh đơ̆ng Đảng, Teh đak păng kon pơlei.