Pơma pơgơ̆r ah Hop akŏm, Kơdră teh đak bơ̆n Tô Lâm, Thủ tướng teh đak bơ̆n Phạm Minh Chính sơkơ̆t hơdah, pôk bơnê hăm dôm tơdrong jang đei jơnei đơ̆ng Kuân uy Trung ương, Anih tơm pơgơ̆r khul linh lơ̆m khei năr âu ki. Gah trong jang, sơnong jang lơ̆m khei năr truh, Kơdră teh đak bơ̆n Tô Lâm ră hơdah minh ƀar tơdrong jang kơ Kuân uy Trung ương, Anih tơm pơgơ̆r khul linh athei pơm jang.

Lơ̆m noh, hơtŏk tơdrong jang vei sơđơ̆ng tơpôl teh đak, akŏm pơjing tơguăt tơguăl tôm kon pơlei vei sơđơ̆ng tơpôl. Pơjing păng hơtŏk pran “anih lơ̆m đon bơnôh kon pơlei” lơ̆m tơdrong jang hơvơn tôm kon pơlei vei sơđơ̆ng tơpôl. Pơm jang tơnăp tơchơ̆t hăm Khul linh păng tơring tơgŭm ăn khul linh vă hơtŏk tơdrong jang “Ƀlŏk bơnê”. Pơtoi sơkơ̆t păng pơ-ang đon bơnôh “Ƀô đô̆i Ƀok Hô” lơ̆m đon bơnôh kon pơlei.