Kiơ̆ tơchơ̆t đơ̆ng Anih tơm Chĭnh trĭ gah tơdrong keh kong bơngai jang kơ Jơnŭm pơgơ̆r jang, ƀok Tô Lâm, Kơdră teh đak vang jang păng iŏk jang Kơdră Jơnŭm jang. Ƀok Kơdră teh đak bơ̆n Tô Lâm ră hơdah, lơ̆m 14 khei pơm jang, Jơnŭm pơgơ̆r jang hlôi pơm jang lơ tơdrong jang kăl, pơkăl Jơnŭm pơgơ̆r kiơ̆ kơ tơdrong tơlĕch hơdah, tơroi kiơ̆ dôm grŭp jang, nơ̆r pơtruh đơ̆ng Anih tơm Chĭnh trĭ, tơgop đơ̆ng Hop akŏm Trung ương 9 vă hơlen khŏm mă đei dôm tơdrong ‘nao đơ̆ng tơdrong pơm jang lơ̆m teh đak păng lơ̆m kơpal teh tơlĕch, vă iŏk yua gơh hơgei lơ̆m tơdrong jang tơplih ‘nao kơ teh đak.

Ră hơdah âu jing tơdrong jang kăp gĭt, Kơdră teh đak bơ̆n Tô Lâm hơpơi ‘meh rim bơngai jang lơ̆m Jơnŭm pơgơ̆r jang athei jang tơnăp sơnong jang đei Trung ương Đảng,  Anih tơm Chĭnh trĭ, păng Tổng Bí thư Nguyễn Phú Trọng hlôi pơjao.