Pơma đam gah trong jang hadoi kăp gĭt lơ̆m khei năr truh, 2 pah drơ̆ng nơ̆r hơtŏk pơma đam kơpal; tơlĕch jang đei jơnei Tơchơ̆t jang Hadoi gah Mŭk drăm păng Kih thuơ̆t, hơtŏk dah hrôih pơgơ̆r tơdrong hop akŏm mă blŭng kơ Anih jang hadoi Việt Nam-Timor-Leste ah jăl Ƀô̆ trương jang Tơbôl; hơlen, chih akŏm dôm trong jang ‘nao kơ 2 teh đak, trŏ ƀlep hăm tơdrong kăl jang hadoi kơ 2 teh đak.

Kơdră teh đak bơ̆n sơkơ̆t Việt Nam kơchăng pơtoi asong phe, tơgŭm Timor-Leste vei sơđơ̆ng tơmam drăm xa; pơkăl 2 pah pơdui đunh dah mă kĭ pơkăp ‘nao Hla bar tơchơ̆t jang gah tĕch răt phe; pơtrŭt teh đak Timor-Leste hơtŏk răt tơmơ̆t tơmam drăm ‘lơ̆ng đơ̆ng Việt Nam nhen tơmam tanh sĭt, chơkhŏ kơyep, tơmam et nhă, đak toh, tơmam drăm ka hơdang ‘nâu nai hia...