Pơma ah jơ tơƀơ̆p, Kơdră teh đak bơ̆n pơtruh nơ̆r hăm khul jang sŭng phŏng sơ̆, tôm bơngai jang kơ khul lơ̆m jơ̆p teh đak hơnơ̆ng hơrih sô̆ hơ-iă, pran jăng, hơrih tơnăp, pơtoi pơlan să jơhngơ̆m pran, đon bơnôh “hơdruh tơdăm yuk hơlâu” lơ̆m tơdrong tơ-iung pơjing teh đak Việt Nam. Ƀơ̆t ‘măng âu Khul jang hơmet ăn Tơdrong Hop akŏm khul hơdruh tơdăm jang sŭng phŏng sơ̆ kơ Việt Nam ‘măng mă 5, jăl jang 2024-2029, Kơdră teh đak bơ̆n hơpơi ‘meh, rim bơngai jang lơ̆m khul sơkơ̆t hơdah tơdrong hơdrin pơm kiơ̆ tơdrong hơpơi ‘meh đơ̆ng Ƀok Hô.

Kơdră teh đak bơ̆n hơpơi ‘meh rim Bơngai jang lơ̆m Khul đei lơ tơdrong jang kăp gĭt hloh vă dah hrôih sek tơlang dôm tơdrong oei đei lơ̆m pơm jang hăm Khul hơdruh tơdăm jang sŭng phŏng sơ̆, lăng noh jing sơnong jang, đon bơnôh hmach bơnê hăm dôm bơngai hlôi plang ăn tơdrong tơblah pơrơngei hơdrung hơdrĕch, rơngei teh đak, tơ-iung pơjing păng vei lăng teh đak.