Kơdră teh đak bơ̆n pơkăl Bình Phước pơtoi băt hơdah dôm tơchơ̆t đơ̆ng Đảng gah vei sơđơ̆ng tơpôl, jang tơbôl, tơguăt hăm hơtŏk mŭk drăm – tơpôl, jang hơdah hăm dôm tơdrong jang trŏ ƀlep vă vei sơđơ̆ng tơdrong pơgơ̆r kơdih tơring teh, vei sơđơ̆ng tơpôl teh đak, tơpôl hơrih oei xa lơ̆m tơring.

Kơdră teh đak ră hơdah, dêh char kăl tơlĕch jang tơnăp Tơchơ̆t 27 gah chih akŏm păng keh đang Teh đak pơgơ̆r  XHCN Việt Nam tơguăt hăm tơdrong đei ƀôh kơ dêh char. Tơrĕk pơgơ̆r pơm kiơ̆ khôi luơ̆t kơjă, hơtŏ hơnơ̆ng; vei sơđơ̆ng kiơ̆ tơchơ̆t Luơ̆t kơ teh đak. Hơtŏk pơ-'lơ̆ng tư phap, vei sơđơ̆ng tơdrong hơbĕch hơgei đơ̆ng anih sek tơlang kiơ̆ tơdrong sek tơlang ƀlep hăm khôi luơ̆t teh đak. Akŏm hơtŏk tơdrong hơgei lơ̆m pơgơ̆r păng tơjră đơ̆ng dôm anih jang đảng, pơjing khul pơm jang hlăng 'lơ̆ng pran kơtang.