Tơ̆ Lêh tơbăt, tang măt ăh kơdră Đảng, Khul kơpal teh đak, ƀok kơdră teh đak bơ̆n Võ Văn Thưởng pơjao Mê đai Pơm jang tăl Mônh ăn Anih jang Đảng, Jơnŭm pơgơ̆r tơring păng kon pơlei dêh char Hậu Giang. Pơma ah jơ lêh, kơdră teh đak bơ̆n ră hơdah, Hậu Giang đei tơring teh dơnơm kơ tơring pơmơ̆t đak krong Hậu; jing anih jang kăch mạng lơ̆m 2 tơdrong tơblah dŏng teh đak. Lơ̆m prăt hnưr hơrih kơ teh đak, kon pơlei Hậu Giang hlôi pơjing tơdrong tơguăt tơguăl, nuih mơng.

Vă pơm jang tơchơ̆t tơlĕch Hậu Giang jing dêh char brăm lơ̆m tơring păng jâ̆p teh đak, atŭm hăm tơdrong pơm kiơ̆ tơnăp trong jang đơ̆ng Trung ương păng Tơchơ̆t Hop akŏm Anih jang Đảng dêh char ‘măng mă 14, Kơdră teh đak pơkăl Anih jang Đảng păng kon pơlei Hậu Giang athei băt hơdah sơnong jang, anih dơ̆ng, mŭk drăm, tơdrong tơnap tap mă dêh char oei đei păng dôm ƀai hŏk hlôh vao kăp gĭt lơ̆m 20 sơnăm kơ âu.