Kơdră teh đak bơ̆n Võ Văn Thưởng păng Hơkăn ƀok năm akŏm Pơma dơnuh. Pơma ah akŏm, tang măt ăn đe Kơdră Đảng, Teh đak, Măt trâ̆n tôh kuôk Việt Nam, Kơdră teh đak bơ̆n pơtruh hăm kon pơlei tơring teh Việt Nam tŏk bŏk oei hơrih jang xa păng hŏk pơhrăm tơ̆ teh đak đe, pơtruh nơ̆r apinh jet gia pơma dơnuh, pơtruh đon bơnôh ‘mêm kơ-eng păng dôm nơ̆r thơ thâu hơ-iă blŭng sơnăm ‘nao.

Kơdră teh đak bơ̆n sơkơ̆t hơdah, Đảng, Teh đak hơnơ̆ng hơpơi ‘meh kon pơlei bơ̆n tơ̆ teh đak đe iŏk vei tơdrong pran, tơdrong hơgei hlôi đei, jang đei jơnei lơ, tơdrong hơrih sơđơ̆ng, roi năr roi đei anih dơ̆ng kơjăp gah khôi luơ̆t, mŭk drăm, chĭnh trĭ, jang hadoi kơjăp hloh tơ̆ teh đak mă kơdih hơrih jang xa. Kơdră tehd dak hơpơi ‘meh khei năr truh, kon pơlei gô vih hơpong teh đak kơdih lơ ‘măng hloh, vă băt hơdah tơdrong tơplih kơ teh đak, dôm tơdrong jang đei jơnei lơ̆m tơdrong jang tơplih ‘nao, vă atŭm băl tơ-iung pơjing păng vei lăng teh đak Việt Nam ‘mêm kơ-eng.