Ah jơ pơma đam, ƀar pah atŭm pơma đam dôm trong jang hơdah vă pơdrơ̆ng dih băl đơ̆ng Kơdră kơpal kơ 2 Đảng, 2 teh đak, pơtoi hơtŏk pran păng kơhret hloh tơbôl jang hadoi lơ̆m dôm tơdrong jang. Kơdră teh đak pơkăl, khei năr truh, ƀar pah pơtoi jang atŭm kơjăp, hơmet tơnăp ăn dôm tơdrong asong khul kơpal năm tơmang dih băl; hơtŏk jang hadoi đơ̆ng dôm anih jang tơm, rim tơring kơ 2 teh đak; hơtŏk jang hadoi hơtŏk tơ-iung ‘lơ̆ng rŏ lơ̆m jang hadoi mŭk drăm – tĕch pơdro; pơkăl Trung Quốc pơtoi pơm trong hiôk vă pơih să răt tơmơ̆t dôm tơmam drăm choh jang xa kơ Việt Nam, hơtŏk asong jang tơ̆ Việt Nam hăm dôm tơdrong jang tih, jang hơgei hơtŏk tơ-iung đơ̆ng Trung Quốc.

Tơ̆ Bắc Kinh, Trung Quốc, Kơdră chĕp Teh đak Võ Văn Thưởng jei hlôi sơng pơma dơnuh hăm Kơdră chĕp pơgơ̆r Hơnih jang Mong jên Tơmơ̆t jên jang trong hnam châu Á (AIIB) Kim Lập Quần.

Tơ̆ jơ tơƀơ̆p, Kơdră chĕp pơgơ̆r Teh đak hôn bơnê AIIB hlôi hơnơ̆ng pơ̆ih să bơ̆ jang, iŏk đei jơnei tih tên păng roi năr roi atŏk kơtang hơnăp jang kơ mĭnh hơnih mong jên atŏk tơ iung lơ trong, vang kơrŭn jơhngơ̆m atŭm hăm rim hơnih jang nhen WB, ADB…pơtruh kon jên trŏ lăp ăn ‘mĕh vă atŏk tơ iung trong hnam tơ̆ tơring châu Á, mă kăl ‘noh hăm teh đak tŏk bok atŏk tơ iung. Lơ̆m khei năr kơnh, Kơdră chĕp pơgơ̆r Teh đak athei AIIB iung jang tơgŭm djru rim teh đak lơ̆m khul ‘mĕh vă kon jên lơ păng kmăi kmŏk; hơnơ̆ng pơtrŭt atŏk tơ iung trong hnam tơring châu Á, lơ̆m au ăn jang hơdrol lơ̆m tơdrong jang ‘lơ̆ng hơ iă, atŏk kơtang kĕ tang găn tŏ ‘mi kial tơplih.