Tơ̆ anih tơm Bắc Kinh, Trung Quốc, lơ̆m tơdrong năm Hop akŏm kơpal “Tơring teh păng Jăl trong”, Kơdră teh đak bơ̆n Võ Văn Thưởng hlôi năm akŏm Lêh pơtơm kăp gĭt hăm tơdrong truh akŏm đơ̆ng hloh 4.000 bơngai tang măt đơ̆ng hloh 140 teh đak păng 30 anih jang apŭng plenh teh hăm hloh 20 kơdră kơpal kơ teh đak hlôi truh hop akŏm. Tơ̆ hop akŏm âu, Kơdră teh đak bơ̆n Võ Văn Thưởng hlôi tơbang tơdrong kăl sơkơ̆t hơdah Việt Nam hơnơ̆ng tơgŭm dôm tơdrong tơlĕch jang ăn rơngei hiôk hian, jang hadoi hơtŏk tơ-iung tơ̆ tơring păng lơ̆m kơpal teh; lơ̆m noh đei tơlĕch jang Tơring teh păng Jăl trong kơyuơ Trung Quốc pơtơm.

Ƀơ̆t ‘măng năm Hop akŏm âu, Kơdră teh đak bơ̆n hlôi đei lơ tơdrong pơma dơnuh; tơƀơ̆p đe kơdră kơpal kơ dôm teh đak, kơdră kơ dôm khul năm hop akŏm lơ̆m kơpal teh, pơma đam gah trong hơtŏk jang hadoi đei jơnei kơ 2 pah.