Lơ̆m kơthơ, Kơdră teh đak sơkơ̆t hơdah:

“Đảng, Teh đak bơ̆n hơnơ̆ng sơkơ̆t hơdah, pơtho pơhrăm jing trong jang dơnơm hloh. Pơtho pơhrăm đe oh jing sơnong jang atŭm kơ hnam trưng – unh hnam păng tơpôl. Minh teh đak ‘meh hơtŏk tơ-iung athei đei tơdrong pơtho pơhrăm hơgei păng asong jang ăn pơtho pơhrăm noh dơnơm vă hơtŏk tơ-iung kơjăp. Inh hơpơi ‘meh bơngai pơtho hơnơ̆ng dăp đon dăp bơnôh hăm tơdrong jang, hơdrin găn hloh rim tơdrong tơnap tap, tơgop lơ hloh ăn tơdrong pơtho kon bơngai kăp gĭt hloh. Inh hơpơi ‘meh đe mĕ ƀă, kơyuơ tơdrong hơrih kon hơ-ioh po ning nai kơnh, athei yak hadoi hăm hnam trưng păng tơpôl vă pơtho pơhrăm đe hơ-ioh. Inh pơkăl rim jăl jang kơpal, anih jang đảng, jơnŭm pơgơ̆r tơring tơrĕk hloh dơ̆ng ăn tơdrong pơtho pơhrăm hăm dôm trong jang tơtom păng trŏ ƀlep, pơjing đei cham char hŏk pơhrăm tơpă hlăng ‘lơ̆ng, sơđơ̆ng, vă đe thâi, duch pơtho păng đe hŏk tro, đe sinh viên đei pơtho pơhrăm lơ̆m tơdrong hơ-iă jơnap, đei iŏk yua dôm tơdrong hơgei po, tơgop kăp gĭt đei jơnei lơ̆m tơdrong tơplih ‘nao tôm tong ăn tơdrong jang pơtho pơhrăm kơ teh đak”.