Tơ̆ jơ sơng, Kơdră teh đak bơ̆n hơ̆k bơnê kơ sơnong jang păng tơdrong tơgop đơ̆ng ƀok Tŏng Thư kĭ păng Liên Hơp kuôk ăn tơdrong rơngei, hiôk hian, sơđơ̆ng tơpôl lơ̆m apŭng plenh teh, atŭm hăm noh sơkơ̆t hơdah Việt Nam hơnơ̆ng kơchăng tơgŭm păng tơgop kăp gĭt lơ̆m dôm tơdrong hơdrin atŭm.

Kơdră teh đak bơ̆n sơkơ̆t hơdah Việt Nam hơnơ̆ng lăng Liên hơp kuôk jing anih jang hơgơ̆l kơyuơ tơdrong rơngei, jang hadoi, hơtŏk tơ-iung lơ̆m kơpal teh păng jing boăl juăt lui ngeh, tơguăt đunh đai kơ Việt Nam lơ̆m rim jăl trong hơtŏk tơ-iung kơ teh đak. Kơdră teh đak bơ̆n pơkăl Liên hơp kuôk pơtoi tơgŭm Việt Nam pơm kiơ̆ dôm tơchơ̆t apŭng plenh teh, lơ̆m noh đei Tơdrong Hop akŏm atŭm kơ tôm bơ̆n (OCA) adoi nhen lơ̆m tơdrong pơm kiơ̆ dôm tơchơ̆t hơtŏk tơ-iung teh đak.