Kơdră jang tang măt Antonio Alessandro bơnê kơ dôm anih jang kơpal kơ Việt Nam hlôi jang hadoi, tơgŭm vă Kơdră jang tang măt keh đang tơnăp sơnong jang, tơgop hơtŏk tơbôl jang hadoi kơ 2 teh đak. Ƀok Kơdră teh đak bơ̆n Võ Văn Thưởng ăn tơbăt, dôm tơdrong hơtŏk 'lơ̆ng lơ̆m tơbôl jang hadoi Việt Nam-Italy hlôi đei pơm hơdah păng đei sơkơ̆t lơ 'măng lơ̆m dôm tơdrong pơma đam, tơdrong tơjrâ̆m kơ đe kơdră kơpal kơ 2 teh đak lơ̆m 'măng năm tơmang 'nao âu.

Ƀok Kơdră teh đak akhan, mă sơnong jang tang măt tơ̆ Việt Nam lơ̆m khei năr tơnap tap kơyuơ pơrang jĭ COVID-19 hơbuh hli, chŏng mă hăm tơdrong kơ-'nôh đơ̆ng Kơdră tang măt, tơgop vei sơđơ̆ng tơbôl jang hadoi, tơguăt kơ 2 teh đak, tơgŭm dih băl găn hloh tơnap tap păng pơtoi đei iŏk lơ tơdrong jơnei 'lơ̆ng. Đơ̆ng tơnap tap, Việt Nam păng Italy roi sơkơ̆t hơdah hloh đon bơnôh bôl boăl kăp gĭt kơdih băl.