Lơ̆m tơdrong jang tơbôl, tơguăt, Kơdră teh đak bơ̆n Võ Văn Thưởng bơnê kơ dôm bơngai jang lơ̆m Jơnŭm ngĭ sih tơbôl Nhâ̆t -Việt hơnơ̆ng tơrĕk, akŏm đon băt tơbôl kăp gĭt ăn teh đak păng kon pơlei Việt Nam păng đei lơ tơgop kăp gĭt, đei jơnei ăn tơdrong hơtŏk tơbôl kơ 2 teh đak.

Sơkơ̆t hơdah tơdrong tơbôl kơ 2 teh đak đei lơ hơ-iă vă hơtŏk tơ-iung hloh lơ̆m khei năr truh, Kơdră teh đak bơ̆n Võ Văn Thưởng pơtruh nơ̆r hăm Kơdră Jơnŭm ngĭ sih pơtoi tơrĕk hơtŏk jang hadoi kơ 2 Kuôk hô̆i, pơtoi asong lơ khul jang ngĭ sih năm tơmang Việt Nam, hơtŏk pơma dơnuh đe ngĭ sih, đe kơdră mơlôh, đe ngĭ sih drăkăn kơ 2 teh đak; iŏk yua tơdrong jang gơng tơroh đơ̆ng dôm jơnŭm jang ngĭ sih tơbôl, atŭm hăm noh hơtŏk jang hadoi lơ̆m dôm tơdrong jang 'nao nhen tơplih kơsô̆, tơplih jang jơk rơgoh, choh jang xa kiơ̆ trong 'nao, pơtho pơhrăm, pơm jang păng tơmang pơhiơ̆...