Kơdră teh đak bơ̆n ăn tơbăt, khei năr tơjê̆ âu, Kơdră teh đak bơ̆n păng Kơdră teh đak Mông Cổ hlôi đei lơ tơdrong pơma đam 2 pah, kiơ̆ đơ̆ng noh kơhret hloh dơ̆ng đon lui chĭnh trĭ păng hơtŏk jang hadoi 2 pah. Chơt hơ-iă ah tơbôl jang mŭk drăm, tĕch pơdro kơ 2 teh đak đei lơ hơtŏk ‘lơ̆ng, Kơdră teh đak bơ̆n hơpơi ‘meh, tơmam tĕch răt kơ 2 teh đak dah hrôi đei iŏk truh 200 trĭu USD, tŏk hloh 2 ‘măng pơtêng hăm dang ei.

Kơdră teh đak bơ̆n bơnê kơ tơdrong mă 2 Viê̆n Kiêm sat kơ 2 teh đak hlôi đei tơdrong kĭ pơkăp jang hadoi đơ̆ng sơnăm 2014 hăm lơ tơdrong đei jơnei kăp gĭt, kiơ̆ đơ̆ng noh tơgop kăp gĭt ăn tơbôl kơ 2 teh đak. Lơ̆m ‘măng năm tơmang âu, 2 Viê̆n kiêm sat hlôi tơlĕch lơ tơdrong kăp gĭt vă jang hadoi, tơgop kơhret kơjăp hloh tơdrong tơbôl kơ 2 teh đak.