Kơdră teh đak bơ̆n Võ Văn Thưởng hmach bơnê kơ tơdrong đei jơnei đơ̆ng pơma đam kơ ƀar Ƀô̆ trương Anih tơm pơgơ̆r Linh kơ 2 teh đak; atŭm hăm noh sơkơ̆t hơdah, Đảng, Jơnŭm pơgơ̆r teh đak Việt Nam hơnơ̆ng tơgŭm pơm trong hiôk vă tơdrong jang hadoi kơ ƀar khul linh, ƀar Anih tơm pơgơ̆r linh Việt Nam-Campuchia roi năr roi đei jơnei tơnăp.

Lơ̆m khei năr tơpôl lơ̆m tơring păng lơ̆m apŭng plenh teh đei lơ tơsŭl tơsăl, tơnap tap, Kơdră teh đak bơ̆n Võ Văn Thưởng hơpơi ‘meh, ƀar Anih tơm pơgơ̆r Linh hơtŏk jang hadoi, tơroi dih băl gah dôm tơdrong đei ƀôh lơ̆m tơring, lơ̆m kơpal teh vă tơdrong jang hadoi roi năr roi tơnăp hloh. Ƀar pah athei pơtoi jang kơjăp, pơm kiơ̆ dôm tơchơ̆t jang hadoi hlôi đei, pơtoi lăng tơgĭt jang hadoi lơ̆m pơhrăm đe linh, mă kăl noh đe yŏng linh mơlôh.