Kơdră teh đak bơ̆n Võ Văn Thưởng hmach bơnê hăm Kơdră jang tang măt hlôi keh đang xơnong pơm jang tơ̆ Việt Nam hăm lơ tơdrong tơgop kăp gĭt lơ̆m tơdrong hơtŏk tơbôl juăt jue păng hơtŏk jang hadoi lơ tơdrong jang kơ 2 teh đak. Tơchơ̆t lơ̆m khei năr âu ki, tơbôl jang tĕch pơdro 2 păh hơtŏk pran kơtang, mă lei Kơdră teh đak bơ̆n akhan, tơdrong đei jơnei tam mă tơgăl hăm mŭk drăm păng tơdrong hơpơi 'meh kơ 2 teh đak hơtŏk pran jang hadoi tĕch pơdro pran hloh dơ̆ng. Ƀar păh dăh hrôih pơgơ̆r 'Măng hop akŏm mă 24 kơ Anih jang hadoi Jơnŭm pơgơ̆r teh đak Việt Nam- Bulgaria găh jang hadoi mŭk drăm, tĕch pơdro păng khua hŏk kih thuơ̆t lơ̆m xơnăm 2023; pơkăl Bulgaria dăh hrôih kĭ pơkăp Tơchơ̆t Vei vêr axong jang Việt Nam - EU, pơm trong hiôk ăn jơnŭm jang mŭk drăm păng dôm anih axong jang EU, Bulgaria păng Việt Nam vang jang tơnăp hloh lơ̆m tơring jang hăm dih băl. Ƀar păh pơtoi jang hadoi, tơgŭm dih băl lơ̆m dôm tơdrong jang apŭng plenh teh.