Đơ̆ng rŏng truh hơpong lăm thĭ ngĭm thư̆k hanh, thư viê̆n Hnam trưng Đăi hŏk Việt Đức, Kơdră teh đak Đức đei ƀai đŏk tơ̆ hơnăp đe sinh viên, bơngai pơtho kơ hnam trưng. Ƀok chơt hơ-iă ƀơ̆t truh tơmang Việt Nam, atŭm hăm noh bơnê kơ sơnong jang kăp gĭt kơ Việt Nam lơ̆m tơring păng lơ̆m kơpal teh.

Kơdră teh đak Đức akhan hnam trưng Đăi hŏk Việt Đức jing tơdrong jang “chơng trong" ăn tơdrong tơbôl kơ 2 teh đak. Đức gô pơtoi tơgŭm Việt Nam lơ̆m tơdrong hơtŏk pơtho pơhrăm bơngai jang. Ƀơ̆t ‘măng năm tơmang, Ƀô̆ trương Anih tơm Asong jang păng Tơpôl teh đak Đức adoi tơƀơ̆p đe sinh viên tơ̆ Hnam trưng Đăi hŏk Việt Đức. Dôm anih jang mŭk drăm Đức adoi pơma đam hăm bơngai pơtho, đe sinh viên kơ hnam trưng gah tơdrong kăl iŏk bơngai pơm jang, pơkăl hơbĕch hơgei kơ sinh viên đơ̆ng rŏng kơ hŏk đang.