Tơ̆ Hnam ƀlŏk hơdơ̆r kơ Anih gru groa jơ hnơr arih joh ayŏ teh đak gĭt kăl Trung ương Tơring Pơbăh, khŭl hlôi soh plang nhang, dan pơkao păng ‘măn 1 pơnĭt kŭp kơ̆l vă ƀlŏk hơdơ̆r kŏng jang đơ̆ng Kơdră Hồ Chí Minh păng dôm lĭnh nŭih mơng lôch dŏng teh đak hăm tơdrong jang rơngei hơdrĕch hơdrŭng. Tơ̆ kơđông lĭnh vei lăng ‘Măng jang sơlam apŭng plĕnh teh Xa Mát, đơ̆ng rŏng kơ mơ̆ng roi tơbăt găh tơdrong jang đơ̆ng anih jang, Kơdră teh đak kơplăh dang ei Võ Thị Ánh Xuân chih iŏk păng pôk pơ ư jơnei đơ̆ng kang ƀô̆ Kơđông lĭnh vei lăng ‘măng jang sơlam apŭng plĕnh teh Xa Mát hlôi iŏk đei lơ̆m khei ‘năr âu ki.

Hơdai hăm, athei kang ƀô̆ khŭl lĭnh Kơđông vei lăng ‘Măng jang sơlam apŭng plĕnh teh Xa Mát kăl kơ hơnơ̆ng hơtŏk tơdrong joăt joe anih jang khŭl lĭnh kon pơlei nuih mơng; hơtŏk tơdrong joăt joe đơ̆ng Khŭl lĭnh, lĭnh ƀô̆ đô̆i vei lăng tơring sơlam, bơ̆jang kiơ̆ ‘lơ̆ng hơnăp jang chĭnh trĭ.