Pơma tơ̆ jơ tơƀơ̆p muh măt, Kơdră teh đak Lương Cường tơƀôh đon chhôk hơiă păng ƀrơ̆k jơhngơ̆m đei tơƀơ̆p đĭ đăng khŭl kơdră chĕp kơ̆l, bơngai jang kơ Anih pơvih ăn Kơdră teh đak, anih jang gô tơklep, yak hơdai păng tơgŭm Kơdră teh đak bơ̆jang hơnăp jang kiơ̆ lơ̆m kơchư̆k jang ‘nao đei Đảng, teh đak păng Quốc hội lui ngeh pơjao ăn.

Đơ̆ng rŏng kơ đei mơ̆ng roi tơbăt găh tơdrong, hơnăp jang păng trong tơlĕch jang tơ̆ hơnăp kơnh, Kơdră teh đak akhan vă jang đang ‘lơ̆ng hơnăp jang, ‘ngoăih kơ hơdrin đơ̆ng kơdih kâu, tơdrong bơngơ̆t truh, tơgŭm đơ̆ng rim kơdră chĕp kơ̆l Đảng, Teh đak, rim anih jang Trung ương, anih tơm, anih jang kơpal, tơring, kŭm tôch kơ ‘meh iŏk đei tơdrong tơgŭm, yak hơdai đơ̆ng đe Phŏ kơdră teh đak, đơ̆ng kang ƀô̆, bơngai jang kơ Anih pơvih pơvăn vă gơh jang đang ‘lơ̆ng hơnăp jang tih tên kiơ̆ lơ̆m tơdrong jang bơngai chĕp kơ̆l teh đak; kŭm nhen tang măt Teh đak găh lơ̆m teh đak, ‘ngoaih teh đak, jang kiơ̆ tôm dôm hơnăp jang, tơdrong gơh jang đơ̆ng kơdră teh đak đei Khôi luơ̆t teh đak hơgăt.