Kơdră teh đak păng hơkăn ƀok xa ngôi ƀĕnh mi Xin Chào tơ̆ Tokyo, Nhật Bản
Thứ tư, 08:57, 29/11/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Ƀlep ƀât năm hơpong tơ̆ Nhật Bản, pơgê 28/11, Kơdră teh đak Võ Văn Thưởng păng hơkăn ƀok năm ngôi tơ̆ anih tĕch “Ƀĕng mi Xin chào” yoa 2 ‘nu hŏk tro so đơ̆ng Việt Nam pơih tĕch păng jang xa đei iŏk yoa kơjăp.
‘Nŏh jĭ 2 ‘nu ‘nhŏng oh pôm mĕ ƀă Bùi Thanh Duy - 37 sơnăm păng Bùi Thanh Tâm - 32 sơnăm, bơngai đơ̆ng Quảng Nam. Pơjing đơ̆ng sơnăm 2016, truh dang ei hơnăn “Ƀĕng mi Xin Chào” đĭ jang tŏk truh 15 anih tĕch mơdro lơ̆m teh đak Nhật Bản, kiơ̆ đơ̆ng noh roi tơbăt tơmam xa tôch ‘lơ̆ng đơ̆ng Việt Nam tơ̆ "tơring pơkao anh đào";
Hơdai hăm ‘nŏh roi tơbăt tơdrong joh ayŏ kơ dŏ xoang păng jơhngâm đon tơnăp, gơ̆h hơgei đơ̆ng sơnăm mơlôh Việt Nam truh hăm teh đak Nhật Bản. Kơdră teh đak Võ Văn Thưởng păng hơkăn ƀok, kŭm hăm dôm kuan tih Nhật Bản xa ngôi dôm tơmam ‘lơ̆ng đơ̆ng Việt Nam nhen ƀĕng mi, mi Quảng, phơ, huch ngôi chĕh phe, đak hla che…
Viết bình luận