Tơ̆ Jơ hop akŏm, Jơnŭm hlôi pơma dơnuh păng tơgop nơ̆r găh dôm jơnei iŏk đei lơ̆m rim tơdrong jang, mă loi ‘noh jĭ khŭl lĭnh, sơđơ̆ng, jang tơbôl lơ̆m khei ‘năr âu ki; tơblăng hơdăh, hơlen lăng tơdrong apŭng plĕnh teh, tơring păng dôm tơdrong ƀơm ‘lơ̆ng, kơ nê̆ hăm Việt Nam; apĭnh tơdrong jang, hơnăp jang sơnăm 2024. Găh tơdrong tơm dôm ‘măng hop akŏm Jơnŭm sơnăm 2024, Jơnŭm drơ̆ng nơ̆r pơma dơnuh, ăn tơgop nơ̆r găh dôm tơdrong jang gĭt kăl, hơnhăk tơdrong gĭt kăl ƀơm truh khŭl lĭnh, sơđơ̆ng, jang tơbôl, kiơ̆ lơ̆m noh jang tơgŭm, tơgop nơ̆r hăm Anih tơm Chĭnh trĭ, Kuôk hô̆i, Khŭl kơdră teh đak.

Tang măt Jơnŭm jang, Kơdră teh đak Võ Văn Thưởng athei, tơ̆ hơnăp kơnh, dôm khŭl lĭnh, anih jang kơpal ƀơm truh hơnơ̆ng răp hơlen lăng, kơchăng băt hơdăh, tơchĕng hơlen, tơblang hơdăh, hơlen lăng, tơdra hơdrol kiơ̆ tơdrong apŭng plĕnh teh, tơring, lơ̆m teh đak, đơ̆ng noh tơtom jang tơgŭm hăm Đảng, teh đak dôm trong jang hơmet pơ ‘lơ̆ng, lăng kăl vei lăng đon tơchĕng ‘lơ̆ng đơ̆ng Đảng, iung jang tơjră dôm khŭl ayăt; hơnơ̆ng hơtŏk tơdrong joăt joe, jơhngơ̆m tơgoăt tơgoăl đĭ đăng hơdrĕch hơdrŭng lơ̆m tơdrong jang pơjing păng vei lăng teh đak.