Pơma tơ̆ jơ pơm lêh, ƀok Kơdră teh đak Võ Văn Thưởng lui ngeh, Thượng tướng Trịnh Văn Quyết hơnơ̆ng hơtŏk tơdrong joăt joe ang hơdăh đơ̆ng Khŭl lĭnh kon pơlei Việt Nam, jang đang hơgei hloh hơnăp jang đei pơjao.

Pơma tơ̆ lêh pơjao hla ar tơchơ̆t, Thượng tướng Trịnh Văn Quyết tơƀôh jơhngơ̆m đon jang kiơ̆ kơ jăp tơdrong pơgơ̆r đơ̆ng Kơdră teh đak; 1 jơhngơ̆m đon hăm Đảng, teh đak păng kon pơlei; hơdrin hŏk pơhrăm păng pơm kiơ̆ nơ̆r pơtho đơ̆ng Ƀok Hồ  găh jơhngơ̆m đon đơ̆ng bơngai pơm yŏng: gơh hơgei- kơtang nuih mơng- jơhngơ̆m đon ‘lơ̆ng- đei bưng ai- arih sa tơpăt ‘lơ̆ng- 1 jơhngơ̆m; hơnơ̆ng hơdrin, pơhrăm, chĕp vei jơhngơ̆m đon ‘lơ̆ng kach mang; ling lang iŏk păng jang đang rim hơnăp jang đei Đảng, teh đak, khŭl linh păng kon pơlei pơjao ăn.