Kơdră tĕh đak Võ Văn Thưởng pơma hơdăh, tơdrong tơm đơ̆ng ‘măng năm hơpong âu, kŭm hăm vang truh Hop akŏm tih găh jang hơdoi lơ̆m apŭng plenh tĕh “Trong dăr păng trong” ‘măng mă 3, ‘nŏh oei vă pơm hơtŏk tơdrong chih hơdăh rim tơdrong jang hơdoi đơ̆ng 2 tĕh đak.

Tơ̆ jơ tơƀâp, 2 ‘nu Kơdră pơma hơdăh, hơnơ̆ng pơgơ̆r tơdrong tơƀâp ăn kuan tih păng rim khul jang kơpal, hơtŏk tơdrong ‘lơ̆ng, đei yoa đơ̆ng jang hơdoi lơ̆m rim tơdrong, mă loi jĭ hơtŏk tơdrong tĕch mơdro, jang tŏk hơtŏ băl, kơjăp ‘lơ̆ng. Kơdră tĕh đak athei Trung Quốc hơtŏk tơdrong răt iŏk tơmam, mă loi jĭ tơmam đơ̆ng choh jang xa đei kơ Việt Nam; tưk tơiung tơdrong tơmât jên jang, pơm trong tơƀưh băl. Kơdră  tĕh đak Võ Văn Thưởng oei athei 2 păh hơtŏk tơdrong pơvei kon pơlei hăm tơdrong tơm ‘nŏh jĭ pơgơ̆r jŏh ayŏ kơ dŏ xoang, jang hơdoi găh tơmang lăng, hơtŏk tơdrong arih xa găh jơhngâm đon ăn kon pơlei.