Hop akŏm ngĭ si mơlôh lơ̆m plei tĕh ‘măng mă 9 tơ̆ Hà Nội vă pơgơ̆r đơ̆ng ‘năr 14-18/9/2023 hăm hơnăn “Hơnăp jang đơ̆ng chăl mơlôh lơ̆m tơdrong bơ̆ jang kiơ̆ dôm tơdrong jang atŏk tơiung pran kơjăp kiơ̆ đơ̆ng tơplih hăm kơmăy sô̆ păng tơplih ‘nao gơ̆h hơgei”. Truh dang ei, đĭ đei 64 khul chih măt năm hop akŏm, hăm 244 ‘nu bơngai. ‘Nâu jĭ 1 tơdrong jang tơbôl lơ pang yoa Quốc hội Việt Nam pơgơ̆r lơ̆m sơnăm ‘nâu.

Kơdră Quốc hội Vương Đình Huệ athei dôm khul pơvih, Anih pơgơ̆r tơchĕng hơlen, chih iŏk rim nơ̆r pơma tơ̆ hop akŏm vă hơmet pơ ‘lơ̆ng rim tơdrong; chih pơkĕh dôm hla ar roi tơbăt mă rơđăh kiơ̆ rim tơdrong, rim jơ hôp; hơlen năng mă tôm tơdrong; athei đei hloi trong hơmet hiă hăm rim tơdrong vă huei đei tơdrong ưh ê. Găh Khul chih hơmet hla ar, athei lăng hơlen mă ‘lơ̆ng, chih kơđeh, mă rơdăh. Tơdrong vei lăng sơđơ̆ng, vei lăng rơgŏh ‘lơ̆ng tơmam xa athei bơ̆ jang mă trŏ hăm tơdrong hơgăt.