Kơdră teh đak bơ̆n tơƀôh jơhngơ̆m đon chhôk hơiă tơ̆ hơnăp dôm hơyak hơtŏk pran kơtang đơ̆ng tơdrong pơvei Việt Nam - Australia khei ‘năr âu ki, mă loi ‘noh jĭ tơdrong 2 teh đak hơtŏk tơdrong pơvei tŏk Jang hơdai gĭt kăl tôm tơdrong khei 3/2024.

Kơdră teh đak bơ̆n athei, kiơ̆ lơ̆m tơdrong pơvei ‘nao, 2 teh đak hơnơ̆ng tơlĕch ăn dôm tơdrong jang, trong tơlĕch jang hơdai mă hơdăh; pơvei tơdrong pơma dơnuh đơ̆ng khŭl, tơƀơ̆p pơma dơnuh kơdră kơpal; hơtŏk loi dơ̆ng tơroi băl tơdrong kơ tơ̆ng ang găh dôm tơdrong tơring, apŭng plĕnh teh vang bơngơ̆t truh; jang hơdai mŭk drăm, mơdro sa - tơmơ̆t jên jang, tŭn pran tơlĕch jang hơdai lơ̆m dôm tơdrong jang ‘nao nhen tơjră hăm tơplih tŏ ‘mi kial, ŭnh hơyuh rơgoh, tơplih kơsô̆, gơh hơgei pơm kơdih. Kơdră teh đak bơ̆n hôn bơnê dôm Hnam trưng Đại học Australia pơih să jang hơdai hăm Việt Nam, lăng ‘lơ̆ng Australia pơvei dôm kơ suơ̆t hŏk ƀŏng ăn Việt Nam, athei Khŭl kơdră teh đak Australia hơnơ̆ng pơm tơdrong hiôk ăn tơpôl bơngai Việt hŏk pơhrăm, arih sa păng bơ̆jang tơ̆ Australia.