Pơma pơgơ̆r tơ̆ ‘Măng hop akŏm, Kơdră teh đak tơroi rơđăh, hơmet ming tư pháp ‘noh jĭ 1 lơ̆m dôm tơdrong tơm gĭt kăl lơ̆m trong yak tơplih ‘nao đơ̆ng Đảng, vă tơgop pơjing păng hơmet pơ ‘lơ̆ng Teh đak chĕp kơ̆l pơgơ̆r kiơ̆ khôi luơ̆t xã hội chủ nghĩa Việt Nam, vei sơđơ̆ng bơ̆ jang kiơ̆ kơjăp tơdrong kăl chĕp kơ̆l pơgơ̆r Teh đak ‘noh drơ̆ng 1 nơ̆r, đei tơdrong klăih song mă rơđăh, jang hơdai kơjăp, vei lăng đei yua đơ̆ng dôm anih jang teh đak lơ̆m tơdrong bơ̆jang kiơ̆ dôm tơdrong pơm tơm pơjing khôi luơ̆t, tơlĕch khôi luơ̆t păng tư pháp, vei lăng tơdrong hơtŏ hơnơ̆ng, tơdrong pơm tơm kơ kon bơngai, tơdrong pơm tơm kơ kon pơlei, đei yua kơ teh đak, khŭl jang păng rim bơngai.

Lơ̆m khei ‘năr ‘noh, tơdrong jang tư pháp păng hơmet ming tư pháp kăl athei hơnơ̆ng đei tŭn pran, hăm khŏm jang chĭnh trĭ ‘lơ̆ng, đei trong jang trŏ ƀlep, hơtŏk đei jơhngơ̆m pran akŏm đơ̆ng rim tơring, rim anih jang đơ̆ng Trung ương truh tơ̆ tơring păng jơ̆p lơ̆m tơpôl; hơdrin jang kiơ̆ tơdrong hơgăt, trong vă jang hlôi đei băt hơdăh vă pơm lăp ‘lơ̆ng hloh hăm ‘meh vă đơ̆ng tơdrong ‘nao.