Tơ̆ jơ sơng, ƀok Tô Lâm tơƀôh lăp đon tơ̆ hơnăp tơdrong hơtŏk tơiung roi ‘năr roi đei yua păng jrŭ să đơ̆ng pơvei Jang hơdai gĭt kăl Việt Nam – Anh. Vă hơtŏk tơdrong jang hơdai ‘lơ̆ng hơiă đơ̆ng Việt Nam păng Anh tơ̆ hơnăp kơnh, ƀok Tô Lâm athei 2 păh hơtŏk loi dơ̆ng pơma dơnuh khŭl păng tơƀơ̆p rim kơdră; tŭn pran jang hơdai găh vei sơđơ̆ng - khŭl lĭnh; pơm tơdrong hiôk ăn dôm tơdrong jang hơdai mơdro sa - tơmơ̆t jên jang đơ̆ng anih mơdro sa 2 teh đak.

Ƀok Tô Lâm lăng ‘lơ̆ng iŏk yua jang hơdai ‘lơ̆ng hơiă đơ̆ng 2 teh đak lơ̆m tơdrong jang pơtho pơhrăm ƀơ̆t roi ‘năr roi đei lơ sinh viên, hŏk tro Việt Nam hŏk pơhrăm tơ̆ teh đak Anh păng đei lơ tơdrong jang hơdai đơ̆ng rim hnam trưng đại học păng anih pơtho pơhrăm 2 teh đak, hơdai hăm ‘meh vă 2 păh hơnơ̆ng tơlĕch tơdrong jang hơdai lơ găh joh ayŏ, tơmang lăng păng tơplŏng kơdâu vă hơtŏk loi dơ̆ng hlôh băt dih băl.