Sơng Bơngai tang măt Colombia Miguel Angel Rodriguez Melo, Kơdră teh đak pơma hơdăh Việt Nam lăng ‘lơ̆ng hơnăp jang, anih dơ̆ng đơ̆ng Colombia tơ̆ tơring Mi Latinh păng tơbăt Việt Nam tơgŭm pran kơtang tơdrong jang rơngei tơ̆ Colombia, ‘meh vă hơtŏk tơiung tơdrong pơvei jang hơdai tôm tơdrong, pơđĭ hloi găh chĭnh trĭ- jang tơbôl, mŭk drăm - mơdro sa păng jang hơdai pơtho pơhrăm, tơƀơ̆p kon pơlei, yua kơ tơdrong đei yua ăn kon pơlei 2 teh đak, tơgop lơ̆m tơdrong rơngei, sơđơ̆ng, hơtŏk tơiung tơ̆ 2 tơring.

Sơng bơngai tang măt Panama, Eligio Alberto Salas, Kơdră teh đak Tô Lâm lăng ‘lơ̆ng dôm tơdrong tơgop đơ̆ng Bơngai tang măt lơ̆m tơdrong pơtrŭt tơdrong pơvei 2 pang lơ̆m jăl jang đơ̆ng kơdih ‘moi kiơ̆ pơma dơnuh khŭl rim kơdră, pơma dơnuh mơdro sa, pơgơ̆r dôm tơdrong jang roi tơƀôh joh ayŏ. Kơdră teh đak ‘meh vă hơtŏk tơiung hloh dơ̆ng păng hơtŏk ‘lơ̆ng đei yua tơdrong pơvei jang hơdai lơ tơdrong đơ̆ng 2 teh đak, pơđĭ găh chĭnh trĭ - jang tơbôl, mŭk drăm - mơdro sa, duk thŏng nan, jên hu anih mong jên, tơƀơ̆p kon pơlei, yua kơ tơdrong đei yua ăn kon pơlei 2 teh đak, tơgop lơ̆m tơdrong rơngei, sơđơ̆ng, hơtŏk tơiung tơ̆ 2 tơring.