Kơdră teh đak pơma hơdăh, Việt Nam lăng hơtŏk tơiung tơdrong pơvei tơbôl, jang hơdai hăm Trung Quốc ‘noh jĭ rơih iŏk gĭt kăl, pơ ‘nhŏ hơdrol lơ̆m akŏm trong năm jang tơbôl hiôk hian, pơm tơm kơdih, lơ trong jang, pơm lơ tơdrong pơvei jang tơbôl đơ̆ng Việt Nam.

Găh trong vă jang, hơnăp jang ning mônh kơnh, Kơdră teh đak ‘meh vă 2 păh jang hơdai kơjăp lơ̆m 1,2 tơdrong tơm nhen: pơvei tơƀơ̆p, pơma dơnuh kơdră kơpal păng rim kơdră, tơlĕch jang đei yua dôm trong jang tơgŭm jang hơdai; tŭn pran păng hơtŏk ‘lơ̆ng đei yua jang hơdai tơpă lơ̆m rim tơdrong jang, pơtrŭt pơm tơƀưh trong gre treng klĕch tơring sơlam păng jang hơdai hơtŏk tơiung 1,2 trong gre treng tih tơ̆ dôm dêh char găh Tu Việt Nam; athei Trung Quốc hơnơ̆ng pơih să anih tĕch mơdro ăn tơmam đơ̆ng choh jang sa, ka hơdang, plei ‘long, ‘nhĕm kon tơrong đơ̆ng Việt Nam. Yak truh tơdrong gĭt kăl sơnăm 2025, ƀlep ƀơ̆t tơbăt 75 sơnăm pơjing tơdrong pơvei jang tơbôl Việt Nam - Trung Quốc, Kơdră teh đak Tô Lâm athei 2 păh hơdrin pơtrŭt, hơnhăk tơdrong pơvei 2 pang tŏk ‘nao ‘lơ̆ng, roi ‘năr roi tơpă, đei yua hloh.