Kơdră Mặt trận Lào pơjing teh đak Xỉn-la-vông Khút-phay-thun tơƀôh jơhngơ̆m đon chơt hơiă truh kơkuh Kơdră teh đak Tô Lâm. Ƀok Xỉn-la-vông Khút-phay-thun pơma hơdăh gô hơnơ̆ng jang hơdai kơjăp hăm Trung ương Mặt trận Tổ quốc Việt Nam păng bơngơ̆t truh, tơgŭm, pơm tơdrong hiôk ăn bơngai Việt Nam jang sa, arih sa tơ̆ Lào.

Kơdră teh đak Tô Lâm chhôk hơiă dôm jơnei tih tên mă Đảng, teh đak păng kon pơlei Lào pơma atŭm păng Trung ương Mặt trận Lào pơjing teh đak pơma hơdrô̆ hlôi iŏk đei lơ̆m khei ‘năr âu ki; lui ngeh hăm tơdrong chĕp kơ̆l hơgei đơ̆ng Đảng Kon pơlei Kach mang Lào, dôm bơngai chĕp kơ̆l teh đak Lào gô pơjing jơnei teh đak Lào hiôk ‘nă păng hơnŭk hơnoa. Kŭm lơ̆m ‘năr 11/7, Kơdră teh đak Tô Lâm hlôi sơng Kơdră Khŭl jang tơbôl Lào-Việt Nam Bò-viêng-khăm Vông-đa-la (Boviengkham Vongdala) păng dôm bơngai jang lơ̆m khŭl chĕp kơ̆l Khŭl jang. Kơdră teh đak kŭm athei Khŭl jang tơbôl Lào - Việt Nam hơnơ̆ng jang hơdai hăm dôm anih jang kơpal kơ Lào bơngơ̆t truh tơgŭm pơm tơdrong hiôk ăn kon pơlei Việt kiều, lơ̆m noh đei Tơpôl bơngai Việt Nam jang sa arih sa tơ̆ Lào, hơdrin tơgop pơjing teh đak Lào roi ‘năr hơnŭk hơnoa.