Tơ̆ jơ tơƀâp, tơƀôh đon hơ iă yoa Khul hơmet Sơnĕnh, ƀŏ, muh măt Việt Nam đei tơdrong jang hơdoi hăm apŭng plenh tĕh tôch hơiă, hăm lơ khul hơmet Sơnĕnh, ƀŏ, muh măt tơ̆ tơring păng lơ̆m apŭng plenh tĕh, tơgop ‘lơ̆ng ăn tơdrong vei lăng jơhngâm pran kon pơlei. Mă loi, Khul đei tơdrong jang chă răih hơmet tơgŭm păng vei lăng đe hơiŏh ƀơ̆r hong, muh huĕh, đei ƀĕnh tơdrong ‘mêm kơ eng, pơjing tơdrong ‘lơ̆ng ăn đe hơ iŏh truh hăm tơdrong arih xa mă ưh đei hrơ mơ lou kiơ.

Kơdră tĕh đak athei, tơ̆ hơnăp kơnh, Anih tơm vei lăng jang pơgang, Khul jang y hŏk Việt Nam păng dôm anih jang kơpal đei ƀơm truh adrin hơmet pơ ‘lơ̆ng dôm tơdrong pơmat tat găh trong jang, tơdrong tơgŭm, ƀơk hla ar bơ̆ jang, pơm tơplih ‘nao ăn Anih jang pơgang pơma atŭm păng tơdrong jang hơmet Sơnĕnh, ƀŏ, muh măt pơma hơdrô̆.