Kơdră teh đak Võ Văn Thưởng truh akŏm păng iung pơma nơ̆r pơtho. Sơnăm 2023 ‘noh jĭ sơnăm đei lơ tơdrong gĭt kăl, 1 sơnăm đei lơ tơdrong jang tôch hơiă pơvih ăn tơdrong jang kơ ƀok Kơdră teh đak, Phŏ Kơdră teh đak hăm lơ tơdrong jang tih lơ̆m teh đak păng tơdrong jang tơbôl hăm teh đak đe.

Đe kăn ƀô̆, bơngai jang tơ̆ Anih pơvih ăn Kơdră teh đak hlôh vao kơjăp, tơlĕch jang đei yoa dôm nơ̆r pơtho păng hla ar chih đơ̆ng kơpal, hơnơ̆ng adrin, yak hlŏh pơmat tat,hơtŏk đon jang tơnăp, vei kơjăp ki luơ̆t, jang đang ‘lơ̆ng tơdrong jang lơ̆m sơnăm 2023. Pơma tơ̆ hop akŏm, Kơdră teh đak Võ Văn Thưởng pơma tơƀôh, lơ̆m sơnăm 2024, Anih pơvih ăn Kơdră teh đak bơ̆ jang kiơ̆ trong: Mât 1 ƀơ̆r đon, kơchăng, jang hơdoi ‘lơ̆ng, vang pơvih ‘lơ̆ng hlŏh ăn tơdrong jang kơ ƀok Kơdră teh đak păng Phŏ Kơdră teh đak, hơmet ‘lơ̆ng hlŏh ăn um rup dơ̆ng tang ăn teh đak.