Tơ̆ jơ pơm lêh, tang măt kơdră chĕp kơ̆l Đảng, teh đak, Kơdră teh đak Võ Văn Thưởng hlôi pơjao Mê đai Hồ Chí Minh hơpăh ăn Đảng bộ, khŭl kơdră păng kon pơlei dêh char Long An hlôi đei kŏng jang tih tên, mă loi ‘noh jang tôch kơ hơgei lơ̆m tơdrong jang kach mang đơ̆ng Đảng, teh đak, Kơdră Ban tuyên giáo Trung ương Nguyễn Trọng Nghĩa hmach thơ thâu păng pôk pơ ư dôm jơnei ‘lơ̆ng hloh mă Đảng bộ păng kon pơlei Long An hlôi ưh kơ đei pơdơh hơdrin vă iŏk đei lơ̆m khei ‘năr âu ki.

Đơ̆ng rŏng dôm năr blŭng vang iung tơblăh, kon pơlei Long An hlôi yak hloh rim tơdrong hŭt hơkâu, gleh hrat, kŭm hăm kon pơlei lơ̆m teh đak tơblăh jơnei rim tơdrong tơblăh vang đơ̆ng ayăt, pơtôch hăm tơdrong tơblăh vang Hồ Chí Minh gĭt kăl sơnăm 1975, rơngei tơring pơbăh, rơngei teh đak, pơm ‘lơ̆ng dơ̆ng tơdrong joăt joe: pran kơtang, nuih mơng, đĭ đăng kon pơlei tơblăh ayăt đơ̆ng Đảng bộ păng kon pơlei Long An.