Tơ̆ Lêh tơbăt, Kơdră teh đak Tô Lâm tang măt Đảng, Teh đak pơjao asong Mê đai jơnei dơ̆ng mă 2 ăn khŭl lĭnh jang Ki thuơ̆t, tơmam hơpăh chih iŏk dôm tơdrong jơnei păng tơgop ‘lơ̆ng hloh đơ̆ng anih jang. Kơdră teh đak pơma hơdăh, Đảng, Teh đak, Anih jang Đảng Kŏng an Trung ương păng Anih tơm vei lăng Kŏng an ling lang chih răk, lăng ‘lơ̆ng tơdrong plang jơhngơ̆m tih tên păng dôm jơnei gĭt kăl hloh đơ̆ng khŭl lĭnh jang Ki thuơ̆t kơ Kŏng an Kon pơlei lơ̆m prăt 70 sơnăm pơjing, iung tơblăh păng jang đei.

Kơdră teh đak lui ngeh khŭl lĭnh jang Ki thuơ̆t kơ Kŏng an Kon pơlei hơnơ̆ng 1 jơhngơ̆m đon, drơ̆ng 1 nơ̆r, hơgei, pơcheh ‘lơ̆ng, yak hloh rim tơdrong mơnat tat, long nol, pơm dơ̆ng lơ jơnei ‘nao, jang đang hơgei hloh rim hơnăp jang đei pơjao, tơgăl, mă loi ‘noh jĭ lui ngeh 1 jơhngơ̆m đon đơ̆ng Đảng, Teh đak, kon pơlei, tơgop jang kiơ̆ jơnei hơnăp jang pơjing păng vei lăng teh đak Việt Nam xã hội chủ nghĩa.