Pơgê 5/7, Kơdră tĕh đak Võ Văn Thưởng bơ̆ jang hăm Anih tơm vei lăng Công an, Anih tơm sek tơlang, Anih tơm dăr hơlen tơkêng tơdrong yoch, Anih pơvih ăn Kơdră tĕh đak, Anih jang Nội chính Trung ương păng Anih jang Tư phap kơ Kuô̆k hô̆i vă hơlen năng tơdrong pơm hla ar phak pơlôch păng jang kiơ̆ tơdrong phak pơlôch khei ‘năr âu ki. 

Khei ‘năr âu ki, dôm anih jang đei ƀơm truh tơ̆ Trung ương păng tơring jang hơdoi tôch kơjăp, hơlen năng, pơm hla ar sek phak pơlôch, kron vei lăng păng pơgơ̆r pơm kiơ̆ tơdrong phak pơlôch kiơ̆ tơdrong hơgăt đơ̆ng khôi luơ̆t. Mă lei, tơdrong jang ‘nâu oei đei lơ tơdrong tam mă lăp ‘lơ̆ng, tam mă pơm lăp hăm tơdrong ‘mĕh vă đei tơlĕch.

Kơdră tĕh đak Võ Văn Thưởng athei tơ̆ hơnăp kơnh, dôm anih jang athei hơnơ̆ng bơ̆ jang mă tôm, tơpăt ‘lơ̆ng hơnăp jang kơdih trŏ hăm tơdrong hơgăt đơ̆ng luơ̆t; chih hơdăh hơnăp jang đơ̆ng rim anih; hơtŏk tơdrong jang hơdoi; pơgơ̆r dăr lăng, hơlen năng mă hơnơ̆ng, bơ̆ jang đei yoa ‘lơ̆ng tơdrong sĭt kơtang đơ̆ng luơ̆t. Kơdră tĕh đak athei, dôm anih jang tơchĕng hơlen, tơlĕch trong hơmet ming, chih tơmât dơ̆ng dôm tơdrong hơgăt đơ̆ng luơ̆t oei yoa dang ei găh tơdrong phak pơlôch păng pơm kiơ̆ tơdrong phak pơlôch pơm lăp hăm tơdrong ‘mĕh vă tơ̆ yăn âu, tơroi ăn anih jang kơpal set hơlen tơchơ̆t ăn.