Pơma tơ̆ jơ̆ jang, Kơdră teh đak Võ Văn Thưởng lăng ‘lơ̆ng Đảng bộ, khŭl kơdră păng kon pơlei dêh char Phú Yên hlôi đei lơ tơdrong hơdrin vă iŏk đei dôm jơnei ‘lơ̆ng lơ̆m lơ tơdrong jang, hơnhăk Phú Yên plơ̆ kơ dih ‘lơ̆ng, hơnih hơtŏk tơiung pơih să, đei tơdrong hơiă kơ 1 tơring tŏk bŏk hơtŏk tơiung, đei lơ tơmam ‘lơ̆ng păng gô hơtŏk tơiung pran kơtang tơ̆ hơnăp kơnh.

Kơdră teh đak tơtă kơ Phú Yên bơngơ̆t truh pơjing khŭl kang ƀô̆ đei tôm jơhngơ̆m đon ‘lơ̆ng, tơdrong jang kĕ pơm lăp hăm hơnăp jang, kiơ̆ đơ̆ng noh pơm tơdrong lui ăn kon pơlei, tơdrong lui ăn bơngai tơmơ̆t jên jang, tơgop vei sơđơ̆ng chĭnh trĭ, sơđơ̆ng tơpôl tơ̆ tơring.