Kơdră teh đak Võ Văn Thưởng ‘măn lơ nơ̆r hơiă kơ sơnăm ‘nao hăm kon pơlei dêh char Đồng Tháp, kon pơlei dôm apŭng sơlam Hồng Ngự, Tân Hồng păng plt Hồng Ngự; khul linh kanh sat Cơ động păng Anih vei lăng iŏk thuê̆ tơmam tĕch mơdro hăm teh đak đe tơ̆ ‘măng jang sơlam Thường Phước. Ƀlep ƀât ‘măng mă âu, Kơdră teh đak păng kơdră chĕp kơ̆l dôm anih jang kơpal, khul grŭp pơjao hnam tơgŭm ăn bơngai pơmat tat, hơpăh tơmam ăn dôm unh hnam đei kŏng, unh hnam tơnuh, đe hơiŏh, công nhân bơngai jang đei tơdrong arih xa pơmat tat păng hơpăh tơmam ăn dôm anih jang kơpal. 

Kơdră teh đak Võ Văn Thưởng hơpơi ‘mĕh Đảng ƀô̆, khul kơdră pơgơ̆r păng kon pơlei Đồng Tháp mât mĭnh ƀơ̆r đon jang tŏk pran hlŏh dơ̆ng, tơrek truh tơdrong pơtho pơhrăm, jang pơgang păng vei lăng sơđơ̆ng tơdrong arih xa tơpôl; Khul linh vei lăng tơring sơlam, Công an băt hơdăh rim tơdrong tơ̆ tơring, tơtom roi tơƀôh ăn Kơdră chĕp kơ̆l dêh char, ưh gơ̆h lê̆ đei tơdrong ưh ê kiơ.