Pơma tơ̆ jơ bơ̆jang, Kơdră teh đak Võ Văn Thưởng athei Quân khu 5 hlôh vao kơjăp tơdrong Tơchơ̆t Trung ương 8 jăl XIII găh Trong jang tơm vă vei lăng teh đak lơ̆m chăl ‘nao păng dôm tơdrong tơchơ̆t đơ̆ng Đảng găh vei lăng sơđơ̆ng teh đak. Athei băt hơdăh, tơblang hơlen păng tơdra hơdrol mă trŏ rim tơdrong, mă loi jĭ dôm tơdrong ƀơm truh khul linh, vei sơđơ̆ng teh đak tơ̆ tơring Quân khu, ưh gơ̆h lê̆ đei tơdrong ưh tom băt.

Kơdră teh đak oei athei Quân khu vei kơjăp tơdrong pơtâp pơhrăm kơchăng tơblăh; Akŏm jơhngâm hơtŏk tơdrong ‘lơ̆ng đơ̆ng pơtâp pơhrăm, lăp hăm yăn âu; hơnơ̆ng hơtŏk loi dơ̆ng tơdrong đei yoa đơ̆ng jang tơbôl găh khul linh, pơjing tơring sơlam rơngei, tơbôl, sơđơ̆ng ‘lơ̆ng, jang tŏk pran păng jang ‘lơ̆ng tơdrong jang tơgŭm ăn teh đak boăl Lào, Campuchia.