Pơma tơ̆ jơ bơ̆ jang, Kơdră teh đak Võ Văn Thưởng tơchĕng ‘lơ̆ng dôm tơdrong jơnei păng hơyak tŏk pran găh rim tơdrong đơ̆ng Lữ đoàn lơ̆m dôm sơnăm tơjê̆ âu, mă loi jĭ tơdrong pơtâp pơhrăm, kơchăng tơblăh, tơgăl jĭ 1 lơ̆m dôm khul linh tơblăh tơm lơ̆m tơdrong tơblăh đơ̆ng anih jang srĕp kơ Khul linh. 

Kơdră teh đak lui, kăn ƀô̆, bơngai jang, linh Lữ đoàn hơnơ̆ng tơgop kŭm hăm đĭ đăng anih jang srĕp kơ khul linh pơvih ‘lơ̆ng hlŏh, đei yoa hlŏh dơ̆ng ăn tơdrong jang pơjing păng vei lăng teh đak lơ̆m chăl ‘nao; hơnơ̆ng tơgăl jĭ Khul linh gĭt kăl đei đon lui kơjăp, mĭnh jơhngâm hăm Đảng, teh đak, khul linh păng kon pơlei.

Ƀlep ƀât ‘măng mă âu, Kơdră teh đak Võ Văn Thưởng hmach thơ thou ăn kăn ƀô̆, linh Lữ đoàn Dăr hơlen gĭt kăl K3 pran jăng, hiôk chơt; atŭm hăm ‘nŏh tơƀôh đon lui Lữ đoàn Dăr hơlen git kăl K3 pơma adrô̆, Tổng cục II pơma atŭm hơnơ̆ng jang đang ‘lơ̆ng tơdrong jang đei pơjao, tơgăl hăm đon lui đơ̆ng Kơdră chĕp kơ̆l Đảng, teh đak păng kon pơlei.