Pơma hơdăh, tơring Tây nguyên đei anih dơ̆ng gĭt kăl, jĭ pơbŭng hnam Đông Dương, Kơdră teh đak athei Binh đoàn 15 hơnơ̆ng vei kơjăp đon tơchĕng, trong jang khŭl linh đơ̆ng Đảng, Quân ủy Trung ương, Anih tơm vei lăng khŭl linh, chĕp kơ jăp tơdrong jang vei lăng teh đak lơ̆m tơdrong ‘nao, Tơdrong tơchơ̆t đơ̆ng Anih tơm Chĭnh trĭ găh trong jang hơtŏk tơiung mŭk drăm -tơpôl păng vei sơđơ̆ng tơring Tây nguyên truh sơnăm 2030, lăng truh sơnăm 2045.

Kơdră teh đak kŭm tơ tă kơ Binh đoàn 15 kăl hơtŏk loi dơ̆ng tơdrong jang băt hơdăh tơdrong, tơchĕng hơlen tơdra hơdrol; kơchăng roi tơbăt hăm Quân ủy Trung ương, Anih tơm vei lăng khŭl linh vă đei pơgơ̆r tơtom, ưh kơ lê̆ đei ƀôh dôm tơdrong krê hơmơt găh tơdrong jang khŭl linh; bơ̆jang kiơ̆ ‘lơ̆ng trong jang vei lăng teh đak đơ̆ng hrôih, đơ̆ng hơtăih, vei teh đak iŏk đơ̆ng teh đak tam mă krê hơmơt.