Kơdră teh đak chơt hơiă lăng ƀôh, khei ‘năr âu mă đơ̆ng tơƀơ̆p lơ mơmat tat, long nol, mă lei hăm tơdrong hơdrin, tơgoăt tơgoăl đơ̆ng Đảng bộ, khŭl kơdră păng kon pơlei, apŭng Trà Ôn păng dêh char Vĩnh Long hlôi iŏk đei dôm jơnei gĭt kăl rim tơdrong lơ̆m hơtŏk tơiung mŭk drăm tơpôl, vei sơđơ̆ng teh đak, sơđơ̆ng tơdrong arih sa tơpôl, hơtŏk ‘lơ̆ng tơdrong arih sa kơ kon pơlei.

Kŭm hăm ‘noh jĭ bơngơ̆t truh dôm ŭnh hnam teh đak tơgŭm, ŭnh hnam mơmat tat roi ‘năr roi ‘lơ̆ng hloh. Ƀlep ƀơ̆t ‘măng âu, Kơdră teh đak Võ Văn Thưởng athei rim anih jang kơpal hơnơ̆ng bơngơ̆t truh bơ̆jang kiơ̆ ‘lơ̆ng tơdrong jang vei sơđơ̆ng tơdrong arih sa tơpôl, tơgŭm ăn kon pơlei, mă loi ‘noh jĭ hăm kon pơlei bơngai Khmer đei tơdrong arih sa roi ‘năr roi ‘lơ̆ng hloh.