Kơdră teh đak Võ Văn Thưởng tang măt ăn Kơdră chĕp kơ̆l Đảng, Teh đak pơtruh ăn Ƀok soi tơm Giuse Nguyễn Chí Linh - Ƀok soi vei lăng Hnam khop tơm Huế kŭm hăm đe ƀok soi, yă giĕng păng đĭ đăng kon pơlei lui công giáo nơ̆r hơiă kơ Pơyan Noel păng sơnăm ‘nao 2024 chơt hơiă ‘nă hal, hiôk sơđơ̆ng.

Pơma hơdăh Đảng, Teh đak hơnơ̆ng chĕp vei trong jang, tơdrong tơgŭm pơm ‘lơ̆ng păng năng kăl tơdrong lui khop mơ̆ng kơvă đơ̆ng kon pơlei, lơ̆m nŏh đei kon pơlei lui công giáo, Kơdră teh đak Võ Văn Thưởng ăn tơbăt, Đảng păng teh đak hơnơ̆ng adrin pơjing tơdrong ‘lơ̆ng vă kon pơlei công giáo gơ̆h arih xa tơpăt ‘lơ̆ng, lui kơjăp, đei yoa ăn tơdrong arih, yoa tơdrong jang tŏk hơnŭk hơnoa kơ teh đak. Tơ̆ jơ tơƀâp, Ƀok soi tơm Giuse Nguyễn Chí Linh lui hăm trong jang, tơdrong tơgŭm đơ̆ng Đảng, Teh đak, kon pơlei công giáo Việt Nam pơma atŭm păng Tơring khop Huế pơma hơdrô̆ gô tưk tơiung hlŏh dơ̆ng jơhngâm pran đơ̆ng kơdih; vang tơgop roi lơ ăn tơdrong jang tŏk păng pơjing teh đak tơ̆ hơnăp kơnh.