Kơdră tơm teh đak Mông Cổ Khurelsukh, Kơdră teh đak Võ Văn Thưởng păng dôm bơngai tang măt hlôi mơ̆ng Kơdră chĕp kơ̆l Anih tơm pơgơ̆r khŭl linh Cảnh sát Cơ động roi tơbăt tơdrong jơnei đơ̆ng pơtâp pơhrăm; dơ̆ng lăng tơdrong pơtâp pơhrăm dơ̆ng pơrŏ đơ̆ng khŭl lĭnh Cảnh sát Đặc nhiệm, Cảnh sát Cơ động păng mă loi ‘noh jĭ tơdrong pơtâp pơhrăm đơ̆ng Khŭl lĭnh Cảnh sát Cơ động Kỵ binh. 

Tơdrong tơƀôh pơtâp pơhrăm pơm ăn lơ tơdrong hơiă hăm dôm bơngai tang măt hăm lơ ki thuơ̆t hơnat nhen: Hao seh kơdâu klĕch dôm tơmam pơgăn, dôm hơnih krê hơmơt, hơnih đei re đôh, ‘nhui ŭnh...