Kơdră tơm tĕh đak Mông Cổ Ukhnaagiin Khurelsukh păng hơkăn ƀok năm hơpong tơ̆ tĕh đak Việt Nam đơ̆ng ‘năr 1/11 truh 5/11, kiơ̆ nơ̆r krao hơvơn đơ̆ng Kơdră tĕh đak Võ Văn Thưởng păng hơkăn ƀok.

Lơ̆m ‘măng năm hơpong păng bơ̆ jang tơ̆ Việt Nam, Kơdră tơm tĕh đak Mông Cổ Ukhnaagiin Khurelsukh gô đei lơ tơdrong jang nhen: ming kơvang pơkao ƀât Pơsat Ƀok Hô, Rup man ƀlŏk hơdơ̆r kơ đe linh lôch tang tĕh đak, năm ngôi tơ̆ Anih chĕp kơ̆l Kanh sat Cơ động, vang truh hăm jơ et xa, hop akŏm anih tĕch mơdro Việt Nam - Mông Cổ. Kơdră tơm Ukhnaagiin Khurelsukh gô đei lơ ‘măng tơƀâp hăm kơdră chĕp kơ̆l tĕh đak Việt Nam.