Đơ̆ng rŏng kơ lêh sơng tih hăm Kơdră tơm teh đak Đức, kơsơ̆ brei (23/01), tơ̆ Anih jang kơ ƀok Kơdră teh đak, Kơdră teh đak bơ̆n Võ Văn Thưởng hlôi pơm đam hăm Kơdră tơm teh đak Đức. Tơ̆ jơ pơma đam, 2 ‘nu kơdră pơma nuh găh dôm trong jang, tơdrong vă jang tih vă pơm pơ ‘lơ̆ng hlŏh dơ̆ng tơdrong pơvei jang hơdoi gĭt kăl Việt Nam-Đức, kŭm nhen tơroi ăn băl dôm tơdrong kăl tơ̆ tơring păng apŭng plenh teh đei tơrek truh.

Ƀar păh drơ̆ng nơ̆r hơtŏk tơdrong jang hơdoi găh khul linh, vei lăng sơđơ̆ng, jang khoa hŏk, kơmăy kơmŏk, jang tư phap, choh jang xa; hơtŏk dôm tơdrong joh ayŏ kơ dŏ xoang, kiơ̆ đơ̆ng noh tơgop pơm hơtŏk đon hlôh vao băl păng pơvei băl ‘lơ̆ng hơiă đơ̆ng kon pơlei 2 teh đak, vă tơbăt 50 sơnăm pơjing tơdrong pơvei jang tơbôl Việt Nam - Đức lơ̆m sơnăm 2025.