Tơ̆ pơma đam, 2 kơdră chĕp kơ̆l lăng ‘lơ̆ng tơdrong hơtŏk tơiung đơ̆ng tơdrong pơvei 2 pang khei ‘năr âu ki, mă loi ‘noh jĭ đơ̆ng rŏng kơ hơtŏk jing pơvei jang hơdai gĭt kăl sơnăm 2015. Tơdrong pơvei chĭnh trĭ, jang tơbôl roi ‘năr roi đei hơmet ming ‘moi kiơ̆ pơvei dôm ‘măng tơƀơ̆p, pơma dơnuh khŭl kơdră kơpal păng rim kơdră; rim trong jang hơdai 2 pang đei tơlĕch jang đei yua.

Găh trong vă jang hơtŏk tơiung tơdrong pơvei 2 teh đak tơ̆ hơnăp kơnh, 2 kơdră chĕp kơ̆l drơ̆ng nơ̆r hơtŏk loi dơ̆ng jang hơdai chĭnh trĭ, jang tơbôl ‘moi kiơ̆ hơtŏk loi dơ̆ng pơma dơnuh ‘măng năm ngôi păng tơƀơ̆p kơdră kơpal păng rim kơdră; vang jang hơdai pơjing Tơdrong jang tơlĕch jang pơvei jang hơdai gĭt kăl jăl jang 2025-2030. Găh tơdrong đak dơsĭ Biển Đông, 2 păh pơkăp pơvei păng pơtrŭt tơdrong rơngei, sơđơ̆ng păng hiôk hian ăn duk kơdâu păng gre păr; krao hơvơn rim pang pơm rơdu jơhngơ̆m, ‘nĕ kơ tơhli phao kơtoang dăh mă iŏk yua phao kơtoang, pơyom tôm dôm trong jang tơbôl, trŏ luơ̆t, hơmet pơ ‘lơ̆ng tơgar băl hăm trong rơngei, kiơ̆ lơ̆m dôm tơdrong kăl đơ̆ng khôi luơ̆t apŭng plĕnh teh, lơ̆m noh đei Tơchơ̆t Luơ̆t đak dơsĭ sơnăm 1982 (UNCLOS).